Leonhard Euler

Patrono:Infobox/articulo/persona Leonhard Euler (15 de april 1707 in Basel, Switza – 18 de septembre 1783 in Sancte Petroburgo) esseva un mathematico switze de grande creativitate. Ille ha studiate in Basel sub Johann Bernoulli e in 1727 deveniva professor de physica e plus tarde de mathematica in Sancte Petroburgo, Russia. In 1741 ille iva a Berlin como membro del Academia de Berlin. In 1766 ille retornava a St. Petroburgo. Ille contribueva a quasi tote le brancas del mathematica e su applicationes a problemas physic, mesmo post que ille deveniva totalmente cec in 1771. Ille etiam es le patre del terminologia moderne de mathematica. Ille es le prime qui representa function como $y=F(x)$. Ille contribueva con iste formula.

$e^{i\phi }=\cos \phi +i\sin \phi .$

Multe conceptos familiar recipeva lor nomines in su textos, p.ex. le base logarithmic "$e$".