Albert Einstein
Patrono:Infobox/articulo/persona Albert Einstein (pronunciation german: Patrono:IPA; Ulm, Germania, le 14 de martio 1879 – Princeton, New Jersey, SUA, le 18 de april 1955) nascite in Germania e naturalisate statounitese, es un del scientistas le plus cognoscite del seculo 20.
Einstein surgeva al fama mundial in le anno 1905 al publication de su theoria del relativitate special. In illo se incorporava in un marco theoric simple conceptos disveloppate anteriormente per Henri Poincaré e Hendrik Lorentz que esseva surgite como consequentia directe de postulatos physic simple.
In 1916 ille presentava le theoria del relativitate general in le qual es reformulate completemente le conceptos del gravitation. Un de su consequentias ha essite le surgimento del studio scientífic del origine e evolution del universo in le quadro del physica denominate cosmologia. Probabilemente le equation del physica le plus cognoscite a nivello popular es le expression mathematic del equivalentia massa-energia, , que esseva deducite per Einstein como un consequentia logic del relativitate special.
Einstein obteneva le Premio Nobel pro Physica in 1921 pro su explication del effecto photoelectric, un del bases initial del mechanica quantic.