Diagonal principal

Relativemente a un matrice quadrate, le diagonal principalPatrono:LinfoX es le elementos del angulo supra sinistre al angulo infra dextre. In le sequente matrice $A$, le tres elementos $9$, $-1$ e $0$ del diagonal principal es rubie:

$A=\left(\begin{array}{ccc}9& 2& -2\\ 1& -1& 11\\ 4& 72& 0\end{array}\right)$

Tracia de un matrice

Le summa de omne elementos diagonal de un matrice es nominate le tracia del matrice - notate usualmente como $\mathrm{t}\mathrm{r}$. In le exemplo, vale $\mathrm{t}\mathrm{r}(A)=9-1+0=8$.

Antidiagonal

Le antidiagonal de un matrice es le diagonal opposite al diagonal principal, alora le elementos del angulo supra dextre al angulo infra sinistre. In le matrice de exemplo, le tres elementos del antidiagonal es $-2$, $-1$ e $4$.

Diagonales secundari

Omne le diagonales plus curte que le diagonal principal e parallel a iste es dicite diagonales secundari. Nota ben, que in alicun linguas le notion diagonal secundari pote significar antidiagonal.

Le diagonal principal (rubie) e le diagonales secundari (blau) de un matrice $4\times 4$