Addition

In mathematica, le addition es un operation binari pro trovar le summa de duo numeros o variabiles. Le signo de addition es $+$, lege plus. Le verbos in linguage technic del mathematica es additionar e summar; in linguage currente, anque adder es usual.

In le exemplo $5+3=8$ con numeros natural, $5$ e $3$ es le summandos o addendos. Un addition es un activitate, su resultato es le summa; in le exemplo, le summa es $8$.

Addition scripte

Le maniera traditional de un addition scribite - per exemplo del numeros $295$ e $107$ – es facite talmente:

$\frac{\begin{array}{cccc}& 2_{}& 9_{}& 5\\ +& 1_1& 0_1& 7\end{array}}{\begin{array}{cccc}& 4_{}& 0_{}& 2\end{array}}$

Iste calculation es reducite a un calculation elementari de cifras decimal como $1+0=1$, $1+1=2$, $1+2=3$, $1+3=4$, etc. Importante es le reporto in caso que ille summa es plus grande que $9$: per exemplo, $5+7=12$, e on nota le secunde cifra $2$ como resultato, e le prime cifra $1$ es notate como le raporto, hic como un $1$ parve e rubie.

Un instruction

1. On scribe ambe numeros unu sub le altere e tracia un linea sub isto.
2. On calcula ora: $7+5=12$; on trunca le cifra $2$ e lo scribe a sub le linea; pois on scribe le cifra $1$ a in le columna sinistre super le linea.
3. On calcula ora: $1+0+9=10$, e on trunca le cifra $0$ e lo scribe a sub le linea; pois on scribe le cifra $1$ a in le columna sinistre super le linea (ibi in rubie).
4. On calcula ora: $1+1+2=4$, e on scribe le cifra $4$ sub le linea, e le calculation es terminate.
5. Le resultato nunc es scribite sub le linea: $402$, alora quatro centos duo.

Exemplo animate

Proprietates pro numeros natural, integre, rational, e real

Le relation inter le signos del summandos e le signo del summa.

1. Le addition es associative: $(a+b)+c=a+(b+c)$.
2. Le addition es commutative: $a+b=b+a$.
3. Le elemento neutre del addition es $0$: $a+0=0+a=a$.
4. Le elemento inverse de $a$ es $-a$, proque $a+(-a)=(-a)+a=0$.

Vide etiam

• multiplication
• subtraction
• arithmetica