Reporto (arithmetica)

In arithmetica, un reporto es un cifra que es transmittite de un columna a un altere columna, per exemplo in le maniera usual de un addition scribite in caso que le summa de un columna mena a duo cifras. Si, per exemplo, un columna de addition es $2+6=8$, nulle reporto es necesse proque iste resultato non es plus grande que $9$; ma si, per exemplo, un columna de addition es $8+5$, le reporto es $1$ proque le resultato de $8+5$ es plus grande que $9$. Isto vale anque pro le systema binari e omne altere systemas de numeros.

Le caso binari

Le symbolo de un summator complete

In le systema binari, le tres additiones $0+0=0$, $0+1=1$, e $1+0=1$ non besonia un reporto, ma $1+1$ es $0$ con le reporto $1$.

Un summator complete (FA) ha tres ingressos e duo egressos: le ingressos es le cifras a summar $x$ e $y$, e le reporto del summator ante illo $c_{\mathrm{i}\mathrm{n}}$, durante que le egressos es le summa $s$ e le reporto a transmitter al summator post illo $c_{\mathrm{o}\mathrm{u}\mathrm{t}}$. Le littera $c$ responde al anglese parola carry.